Rafbílar voru mikið notaðir á upphafsdögum bílsins en í kjölfar þess að fjöldaframleiðsla hófst á Ford T módelinu laut rafbíllinn í lægra haldi fyrir bensínbílnum.
Fyrstu rafbílarnir voru flottir - hestarnir fjarlægðir og rafmótor settur í staðinn.
Nokkrar ástæður eru fyrir því að rafbílar eru nú raunverulegur valkostur en þær helstu eru:
Rafhlöðutæknin
Lykillinn að því að þetta er mögulegt núna er sú hraða þróun sem átt hefur sér stað í framleiðslu á rafhlöðum og rafhlöðutækni og cellum til geymslu á orku. Geymsluaðferðir eru kunnar en tæknilega hefur þróunin snúið að því að finna nýjar aðferðir og efni til að blanda saman og gera það mögulegt að geyma mikla orku í litlum einingum og í langan tíma. Á sama máta hefur þetta snúist um að þróa tækni til að halda utanum og stýra orkunni inn og út af rafhlöðunum hratt og örugglega.
Renault Fluence Z E er dæmigerður rafbíll sem væntanlegur er á markað í Evrópu á næsta ári.
|
Þróun
Þróun rafhlöðutækninnar hefur ekki átt sér stað innan bílaiðnaðarins sem er frekar íhaldssamur heldur hefur þetta komið í gegnum þróun á rafhlöðum fyrir farsíma, ferðatölvur, handverkfæri og önnur slík tól og tæki. Þessi framleiðsla er hátækniframleiðsla ólíkt því sem var í sýrurafhlöðum eins og við flest þekkjum.
Framleiðsla og förgun
Hvað varðar framleiðslu og förgun þessara rafhlaðna sem eðlilega er mikið spurt um þá er skemmst frá því að segja að mengun við framleiðslu rafhlaðna er milli 15% og 20% af heildarmengun við framleiðslun og förgun rafbílsins.
Við förgun er rafbíll um 90% endurnýtanlegur á móti hefðbundnum bílum sem er um 85%. Þannig að umhverfisleg áhrif við framleiðslu rafbíla eru ekki meiri en við framleiðslu á hefðbundnum bílum.
|
|
Nútíma Liþíum cellur
|
Einfaldari bílar
Rafbílar eru mun einfaldari að allir gerð og hafa fjölmörg ný fyrirtæki komið fram og þróað nýja tækni sem aftur hefur þrýst á stóru bílaframleiðendurnar til að bregðast við. Það hefur leitt til þess að þeir eru allir búnir að kynna sína framleiðslu eða hafa tilkynnt að þeir séu að fara út í slík framleiðslu.
Algengast verður að bílar sem koma á markað fyrstu árin verði með um 150km drægni á einni hleðslu. Mismunandi hleðslumöguleikar eru í boði og þá hleðslutími í samræmi við það. Hleðsla getur verið frá 10 til 15 mínútum í hraðhleðslu í 8 til 10 klst. fyrir almennan orkupóst og fer það eftir hleðslutegund og straumstyrk.
Fjöldi rafbíla eru væntanlegir á markað, litlir og stórir, sendi-, vöru-, og fólksbílar.
Viðhald
Viðhald rafbíla er gjörólíkt því sem við þekkjum og erum vön með bensín eða dísilbíla. Nefna má að einungis 4 hreyfanlegir hlutir eru í rafmótor í stað um 1.000 í hefðbundnum bensínmótor sem segir allt sem segja þarf.
Hér má sjá drifbúnað úr BMW rafbíl = rafmagnstengill, rafstýribúnaður, mótor og rafhlöðupakki.
|
Færri íhlutir = færri bilanir!
|
Að auki er ekki gírkassi, kæli- og pústkerfi og að mati bílaframleiðenda minkar viðhald að jafnaði um 2/3. Samkvæmt útreikningum á vef FÍB er gert ráð fyrir viðhaldskostnaði um 118.000 á ári á minnsta og ódýrasta bílnum sem er á markaðnum, sjá hér.
Rekstur
Rekstur rafbíls hér á landi getur orðið með því lægsta sem þekkist en reikna má með að kostnaður við raforku fyrir hefðbundin fjölskyldubíll muni vera á bilinu 20-25.000 kr. á ári eða milli 5% og 10% af því sem hefðbundinn bensínbíll notar eða jafnvel minna.
Rekstur bifreiða er um 12% af heildar kostnaði vísitölufjölskyldunnar og er því mikilvægt að stuðla að því með öllum ráðum að koma þeirri tölu niður. Þeir sem taka þátt í þjóðarátaki um rafbílavæðingu leggja sitt á vogarskálarnar til að svo megi verða.
Gott er að kynna sér samanburð á rekstri bíla á heimasíðu FÍB en þar er þó ekki samanburður við rafbíla sýndur. Orkusetur er hinsvegar með reiknivél sem sýnir samanburð á ýmsum tegundum bíla eftir vali, sjá hér. Á myndinni hér að neðan eru útreikningar á orkunýtingu og kostnaði úr vél Orkuseturs og sýnir samanburð á orkukostnaði Nissan Micra og Think City rafbíl.
Útreikningar úr reiknivél Orkuseturs - ekki er settur kostnaður á CO2 útblásturinn sem er 24 tonn !
Á 10 ára tímabili er kostnaður við orku/eldsneyti á Nissan Micra um 1.689.000 kr. hærri heldur en við Think rafbílinn að því gefnu að bensínverð haldist óbreytt, en ekki er líklegt að svo verði.
Að auki dettur út kostnaður sem hefðbundin bensínbíll hefur s.s. olíuskipti, þjónusta við gírkassa, pústkerfi og annað en reikna má með að sá sparnaður sé á ári milli 60 - 80.000 kr. eða samtals um 6-800.000 kr. á 10 ára tímabili. Hér er eingöngu verið að tala um minnstu bílana á markaðnum.
Fyrirvari er gerður á að þessir útreikningar breytast nánast daglega eftir gengi gjaldmiðla, hækkun eldsneytisverðs og annara þátta.