Rafbílavæðing er nýtt hugtak sem hefur verið að festast í sessi víða um heim en skilgreiningin hugtaksins er á reiki. Hvað felst í því að rafbílavæða bæ, borg eða jafnvel heilt land.  Hverjir eru þeir sem taka þátt í slíku ferli, hvað gera þeir og hvernig.

Unnið hefur verið með erlendum sérfræðingum að skilgreiningu á hvað rafbílavæðing  felur í sér og skilgreiningu á þeim samþættingaraðila sem fær alla þá sem skipta máli við innleiðingu rafmagns í samgöngur að sama borði.

• uppbygging kerfis rafhleðslupósta og hraðhleðslustöðva ásamt uppbyggingu öryggis-, og þjónustukerfis fyrir rafbílanotendur
• sala á þjónustu til rafbílaeigenda og samþætting við orkufyrirtæki
• stuðla að breytingum á núverandi bílaflota í rafbíla
• að mynda eðlilegan eftirmarkað með rafbíla
• endurvinnsla á íhlutum rafbíla s.s. rafhlöðum
• fræðslu um gildi rafbílavæðingar og helstu þætti
• breytingu á lögum og reglugerðum fyrir rafbílavæðingu
• endurskilgreining og framkvæmd menntunar á sviði samgöngutækja

 

Nánari upplýsingar munu birtast hér á heimasíðu NLE sem og á heimasíðu verkefnisins sem opnar fljótlega og verður vettvangur fyrir rafbílavæðingu Íslands.